ဓါတုလက်နက်တားဆီးပိတ်ပင်ရေး မြန်မာ အတည်ပြုပါဝင်

ဓါတုလက်နက်တားဆီးပိတ်ပင်ရေး မြန်မာ အတည်ပြုပါဝင်

နယ်သာလန်နိုင်ငံ သည်ဟိတ်သ်မြို့တွင် (၇၉)ကြိမ်မြောက် ဓါတုလက်နက် တားဆီးပိတ် ပင်ရေးအဖွဲ့ အမှု ဆောင်ကောင်စီအစည်းအဝေး ၌ နိုင်ငံခြားရေးဝန်ကြီး ဦးဝဏ္ဏမောင်လွင် တက်ရောက်ကာ ဓါတုလက်နက် တားဆီးပိတ်ပင်ရေးတွင် မြန်မာနိုင်ငံကပါ အတည်ပြု ပါဝင်ခဲ့ပြီး၊ စာချုပ် ဝင်နိုင်ငံတစ်နိုင်ငံအနေဖြင့် ဓါတုလက် နက်ကင်းစင်သည့် ကမ္ဘာကြီး
တခု ဖြစ်လာရေးအတွက် ဝိုင်းဝန်းလက်တွဲဆောင်ရွက်သွား မည်ဖြစ်ကြောင်း ပြောကြား ခဲ့သည်။မြန်မာနိုင်ငံသည် စာချုပ်သို့အတည်ပြုပါဝင်သည့် စာချွန်လွှာပေးအပ်ပြီး ရက်ပေါင်း ၃ဝ ပြီးမြောက်သည့်ရက်တွင် မြန်မာနိုင်ငံအတွက် စာချုပ်စတင် အာဏာသက်ဝင်ပြီး စာချုပ် ဝင်နိုင်ငံ တစ်နိုင်ငံဖြစ်လာမည်ဖြစ်သည်။ မြန်မာနိုင်ငံသည် နျူကလီးယား လက်နက်မပြန့် ပွားရေး ဆိုင်ရာစာချုပ်၏ နောက်ဆက်တွဲစာချုပ်ကို ၂၀၁၃ ခု စက်တင်ဘာ အတွင်းက အပြည်ပြည်ဆိုင်ရာအဏုမြူစွမ်းအင်အေဂျင်စီနှင့်လည်ကောင်း၊ ဇီဝလက်နက်တားဆီး ပိတ်ပင်ရေးစာချူပ်ကို ၂၀၁၄ ခု ဒီဇင်ဘာ ၁ ရက်တွင် အတည်ပြုပါဝင်ခဲ့ပြီးဖြစ်သည်။

www.mmcities.com
www.facebook.com/mmcities
Credit to Irrawaddy

Reposted By Daw Saw